Motiongrapher Course كورس الموشن جرافير

هاتتعلم إيه ؟
كورس الموشن جرافير هايعلمك الموشن جرافيكس بإحتراف لإن كل الشرح علي برنامج ( الأفتر إفيكتس ) فقط وده هايخليك محترف في البرنامج هانبدأ بشرح الأساسيات بالتفصيل وبالتدريج هانوصل لتصميم تطبيقات قوية جداً زي اللي بتشوفها في التلفزيون

كورس ملوش نهاية
الكورس مفتوح ومتجدد بإستمرار كل فترة هتلاقي دروس إتضافت عشان تزود خبرتك وتطور مستواك ويبقي حققنا المعادلة المستحيلة إنك إشتريت كورس غير منتهي ومعاه كمية دروس لا نهائية كل ده بسعر مناسب مقارنة بأسعار الكورسات المتداولة

محتوي الكورس
هتلاقي المحتوي متقسم لجزئين أما الجزء الأول هو الأساسيات واللي فيه هانشرح أساسيات الأفترإفيكتس بالتفصيل الممل وهانركز علي نقط مهمة والجزء التاني هو جزء التطبيقات والورش وده الجزء المفتوح واللي فيه هانتعلم كل حاجة عن الموشن جرافيكس

الكورس ده ليك إنت
الكورس بيشرح من الصفر إلي الإحتراف وده معناه إنك مش هتحتاج أي مصدر تعليمي غير الكورس ده وإنت بتبدأ في المجال ولو ما بتحبش تنزل وتلف وتروح مشاوير وخايف علي وقتك فالكورسات هي اللي تجيلك لحد عندك لإن كل دروسنا اونلاين وبتدرسها من علي الموقع

جروب خاص للمتدربين
الأهم من المذاكرة هو التطبيق والمتابعة وعشان كده عملنا جروب خاص للمتدربين في كورس الموشن جرافير علي فيسبوك عشان تشارك تطبيقاتك وتعرضها للنقد البناء ونقدر نتابع مستواك وكمان لو عندك أي أسئلة أو إستفسارات أو مشاكل أو حتي عايز تقترح أفكار للدروس اللي جاية

كورس مش أكاديمي
يعني إيه ؟ يعني اللي بيشرحلك ( محمد زقزوق ) خبرته أكتر من 12 سنة شخص معجون في المجال ومشاكله وصعوباته هايجبلك من الأخر ومابيحبش الرغي الكتير هايديك المعلومة اللي إنت محتاجها عشان لما تخلص الكورس تعرف تشتغل في أي مكان وتسد في أي إنترفيو أياً كان

بعض تطبيقات الكورس
إنفجارات كونية
صمم ألبوم صورك
التايبوجرافي
صمم أماكن ( ثري دي ) من مجرد صور
تصميم هويات القنوات الفضائية
الأنفوجرافيكس
برومو كرتوني
إيليمنت ثري دي
الفواصل الرمضانية والإسلامية
الأعلانات التلفزيونية وتترات البرامج
تترات وعناوين الأفلام
الخدع السينمائية والجرين سكرين