Welcome & Thank You مرحباً وشكراً
في البداية احب اشكرك انك اشتركت معانا في الكورس وقررت تقتحم مجال الموشن جرافيكس
واحب اطمنك انك وفرت علي نفسك وقت ومجهود كبير جداً كنت هاتضيعه لو انك مش معانا
في الكورس ده هتلاقي مصدر تعليمي محترف يلخصلك المجال ويديك المفيد ومن الاخر
الكورس متقسم لجزئين
الجزء الاول : اساسيات الموشن جرافيكس وبرنامج الافترافيكتس بالتفصيل
الجزء التاني : جزء التطبيقات وهو جزء متجدد بأستمرار ..
يعني هتلاقينا دايما بنبعتلك ايميل بالتطبيقات الجديدة واللي اتضافت للكورس
كل متدرب ليه ملف خاص جوه زاك وركس
الملف ده فيه معلومات تفصيله عن مستوي المتدرب وعن دراسته للكورس
والملف ده انا بتابعه كل فترة عشان اعرف كل متدرب معانا وصل لفين
هتلاقي في نهاية محتوي الكورس قسم خاص للاستفسارت والاسئلة
وكمان هاتبقي فرصة كويسة جدا عشان تتعرف علي المتدربين معاك في الكورس
وفيه قسم خاص اسمه ملفات المشاريع او البروجيكت فايلز
هتلاقي فيه لينك تحميل لكل ملفات البروجيكتس اللي اشتغلنا عليها
عشان تقدر تتابع معايا وتشوف طريقة شغلي عاملة ازاي
لكن يفضل انك تطبق كل درس بنفسك ويبقي ليك ملفات مشاريع خاصة بيك انت