أهلاً بيكم في زاك وركس أكاديمي

الحلم كان عندي من أول يوم قررت أسيب الشغل في الشركات
وابدأ أعمل كورسات وورش ودروس
أعلم فيها الناس
اللي انا اتعلمته طول حياتي في مجال الجرافيكس
والبداية كانت في الفيديو ده

وبعد سنة من إنطلاق موقع زاك وركس الإصدار الأول
وكورس الموشن جرافير اللي الحمد لله لاقي نجاح كبير
وأقدر أقول إنه إنتشر عالمياً

عندنا متدربين في الكورس من كل حته في العالم

مصر – السعودية – الكويت – الامارات – فلسطين
قطر – الاردن – عمان – العراق – السودان
امريكا – المانيا – انجلترا – تركيا – كوريا
لبنان – سوريا – الجزائر – المغرب
تونس – السنغال – البرازيل – اليمن

الكورس عدي الحدود الإقليمية
وده شئ مش بس يخليني فخور باللي عملته
ده يخليني عايز أقدم الأكتر والأقوي والأفضل
عشان احافظ علي الثقة بتاعت الناس دي كلها

مراحل تطوير الموقع كان من أهمها

إنه لازم يكون سريع وخفيف
وعشان كده نقلنا لـ سيرفر أقوي وأسرع وطبعاً أغلي

سهولة الوصول لكل حاجة من الصفحة الرئيسية

سهولة التسجيل
وحتي لو مش عارف تسجل
تقدر تبعتلنا رسالة واحنا نسجلك

والأهم من كل ده هو فصل شغلي عن الأكاديمية
بقي عندنا زاك وركس دوت كوم
المكان الخاص اللي بحط فيه شغلي

وعندنا زاك وركس اكاديمي
وده المكان اللي بنقدم فيه كل شئ تعليمي

حبيت أفصل الاتنين
عشان التخصص وعدم التشتيت
وعشان نقدم زاك وركس بشكل إحترافي
يليق بيكم وبمستقبل الأكاديمية
 اللي عيد ميلادها لأول سنة كان من شهرين
وهايكون كل سنة في 10-10

كل اللي أقدر اقوله إن احنا في زاك وركس
بنعمل كل حاجة وأي حاجة عشان تسهل عليكم حياتكم
وعشان تتعلموا المجال الأكثر رقياً وهو الجرافيكس
أتمني إن اللي وصلنا له يكون حقق هدفه بالنسبة ليكم

أهلاً بيكم في أكاديمية زاك وركس
وإنتظروا مننا الأفضل والأرقي دايماً