جّهز نفسك لـ معرض المتدربين علي زاك وركس

كل عام وانتم بألف خير
في القريب العاجل هانعمل ( قسم خاص ) في زاك وركس اكاديمي
هانحط فيه شغل وتطبيقات متدربين كورس الموشن جرافير
معرض فني .. لكل الناس اللي حابه تشوف شغل المتدربين في الاكاديمية
فـ لو إنت/إنتي من متدربين زاك وركس فديه فرصتك لإظهار إبداعاتك

المطلوب منك
تجهيز فيديو مدته ( دقيقة ) ٦٠ ثانيه .. بمزيكا او بدون مش مشكلة
المهم انه لايتعدي الدقيقة
لأفضل تطبيقاتكم علي الكورس
او اي شغل انتوا عملتوه واستخدمتوا فيه دروس الكورس

ميعاد تسليم الفيديو
يوم ٣٠ يناير ٢٠١٩ يعني ادامكم شهر من دلوقتي لتحضير أفضل مالديكم من تطبيقات

إزاي هاتسلم الفيديو
هايتم عمل إيميل خاص للموضوع ده وهاتبعت شغلك عليه
مش يوتيوب vimeo لينك فيميو  

أي لينك يوتيوب مش هايتم قبوله
يوم ١٥ يناير هايتم وضع الإيميل اللي هاترسلوا عليه الفيديو في جروب الكورس الخاص

عنوان الرسالة
هاتحط اسمك وبعد كده كلمة شورييل
يعني لو مثلا اسمك محمد زقزوق
يبقي عنوان الرسالة .. محمد زقزوق شورييل

إبدعوا وفرجوا الناس إبداعاتكم
هاتبقي فرصة حلوة جداً عشان الناس تشوف فنكم
وكمان ممكن يفتحلك مصدر شغل لو حد عجبه شغلك وقرر يشتغل معاك
بالتوفيق للجميع

وكل عام وانتم طيبين
أكاديمية زاك وركس